ՌԴ ՊՆ-ն տեսանյութ է հրապարակել աշխարհում միջուկային զենքի փորձարկումների վերահսկման համակարգի մասին (տեսանյութ)

12:25 • 14.05.18

ՌԴ պաշտպանության նախարարությունը տեսանյութ է հրապարակել աշխարհում միջուկային զենքի փորձարկումների վերահսկման համակարգի մասին: Այս մասին հայտնել է ՊՆ տեղեկատվության և զանգվածային հաղորդակցության վարչությունը, հաղորդում է «РИА Новости»-ն:

«ՌԴ պաշտպանության նախարարությունն առաջին անգամ սոցցանցերի իր պաշտոնական էջերում տեսանյութ է հրապարակել ՊՆ Հատուկ վերահսկողական ծառայության աշխատակիցների աշխատանքի մասին», - ասվում է հայտարարությունում:

Նշվում է, որ վերահսկողության արդյունքները, մասնավորապես՝ միջուկային պայթյունների, երկրաշարժերի, շրջակա միջավայրի ռադիոակտիվ աղտոտման մասին տվյալները, Հատուկ վերահսկողական ծառայությունից փոխանցվում են համապատասխան հաստատություններ՝ առաջացած խնդիրները լուծելու համար: