«Հերոսական» վայրէջք Չինաստանում. կոտրված ապակիով ինքնաթիռը բարեհաջող վայրէջք է կատարել (տեսանյութ, լուսանկարներ)

16:47 • 15.05.18

Չինական Sichuan Airlines ավիաընկերության օդանավի օդաչուների խցիկի առջևի ապակիներից մեկը կոտրվել է և դուրս ընկել թռիչքի ժամանակ, հայտնում է The Daily Mail-ը՝ հավելելով, որ գլխավոր օդաչուին հաջողվել է բարեհաջող վթարային վայրէջք կատարել Չինաստանում։

Օդաչու Լյու Չունցզյանը հայտնել է, որ մինչ ինքը փորձել է վայրէջք կատարել, երկրորդ օդաչուն դուրս է թռել առաջացած անցքից, և նրա մարմնի մի մասը հայտնվել է օդում: Նավապետի խոսքով՝ նա գոտկատեղի շրջանում ոչ մեծ վնասվածք և դեմքին քերծվածքներ է ստացել:

«Ինքնաթիռի սրահում ջերմաստիճանը հասել էր -40 աստիճանի՝ ըստ Ցելսիուսի, և սարքերի մեծ մասը սկսել էր չաշխատել»,- ասել է Լյու Չունցզյանը:


Ուղևորներից աննշան վնասվածք է ստացել մի կին, որը վայրէջքից հետո հիվանդանոց է տեղափոխվել:

Ականատեսները տեսանյութ են նկարահանել ու ներբեռնել համացանցում:

«Որոշ մարդիկ գոռում էին, դարակներից ընկնում էին ճամպրուկները, իսկ սննդի կոնտեյներները սահում էին միջանցքով»,- պատմել է ուղևորներից մեկը:

Ավիաընկերության ներկայացուցիչները կարծում են, որ միջադեպը տեղի է ունեցել թռիչքի կառավարման ստորաբաժանման աշխատակիցների սխալի պատճառով:

Ինքնաթիռն իրականացնում էր Չունցին-Լհասա չվերթը:

 

 

A windshield on the Sichuan Airlines aircraft (left) suddenly broke mid-air

Chinese pilot Xu Ruichen (right) is recovering in the hospital after apparently being sucked out of a cockpit window

Cockpit's temperature dropped to minus 40 degrees Celsius and things floated, said captain

Passengers were told to fasten their seat belts as the captain made an emergency landing

A sharp descend caused luggage and lunch boxes dropped along the corridor in the flight