Կալիֆորնիայի բժշկական կենտրոնում պայթյուն է տեղի ունեցել. կա 1 զոհ

09:48 • 16.05.18

ԱՄՆ Կալիֆորնիա նահանգի բժշկական կենտրոններից մեկում տեղի ունեցած պայթյունի հետևանքով զոհվել է մի կին, կան տուժածներ, հաղորդում է CNN-ը:

Միջադեպը տեղի է ունեցել Ալիսո Վյեխո քաղաքում:

Աղբյուրը մանրամասնում է, որ պայթյունի ալիքը կոտրել է շինության ապակիները: Մասնագետները պայթուցիկի կամ գազի արտահոսքի հետքեր չեն հայտնաբերել:

Ոստիկանության փոխանցմամբ՝ կատարվածը կարող է դիտարկվել և՛ որպես նախապես ծրագրված պայթյուն, և՛ որպես դժբախտ պատահար:

Հայտնի է, որ պայթյունից հետո արտակարգ իրավիճակների ծառայությունների աշխատակիցները տարհանել են կենտրոնի մոտակայքում գտնվող տների բնակիչներին: