Կիևում գործարարի են առևանգել և 50 հազար դոլար փրկագին պահանջել (տեսանյութ)

10:59 • 16.05.18

Կիևում ոստիկանությունը ձերբակալել է երկու առևանգողի, որոնք Իվանո-Ֆրանկովսկ քաղաքից գործարարի են առևանգել և 50 հազար դոլար փրկագին պահանջել: Այդ մասին հայտնում է Կիևի ոստիկանության հաղորդակցության բաժինը, գրում է korrespondent.net-ը:

Նշվում է, որ ոստիկանություն է դիմել տղամարդու կինը, ում զանգահարել են հանցագործները: Գործարարը մայրաքաղաք էր ժամանել աշխատանքային հարցերով, որտեղ էլ նրան առևանգել են:


Իրավապահները 12 ժամվա ընթացքում պարզել են նրա գտնվելու վայրը: Տղամարդուն ազատել են հատուկջոկատայինները:


Առևանգողներից մեկի մոտ հայտնաբերվել է ատրճանակ: Երկու տղամարդիկ կասկածվում են ազատությունից ապօրինի զրկելու կամ մարդուն առևանգելու և դրամաշորթության հետ կապված հոդվածներով: