Անգլիայում 19-ամյա աղջիկը թաքցրել է կոկաինը բերանում և մահացել գերդոզավորումից
Երիտասարդ անգլուհին ոստիկանների կողմից իր մեքենայի զննման ժամանակ թաքցրել է կոկաինը բերանում, սակայն օրեր անց մահացել է գերդոզավորումից, գրում է lenta.ru-ն։
Ոստիկանությունը կանգնեցրել է ավտոմեքենան, որում գտնվել են 19-ամյա Ջորջիա Կասիդին ու նրա ընկերը։ Վախեցած աղջիկը թաքցրել է մեքենայում առկա կոկաինը բերանում, ինչի շնորհիվ ոստիկաններն այն այդպես էլ չեն գտել։
Սակայն մոտ երեք ժամ անց Կասիդին նոպա է ունեցել, իսկ երեք օր անց մահացել է հիվանդանոցում։ Նրա ընկերոջը ձերբակալել են թմրանյութեր պահելու ու դրանք տարածելու կասկածանքով։
Մահացածը կաթոլիկ դպրոցի շրջանավարտ էր, դիմահարդար էր աշխատում Լիվերպուլի գեղեցկության սրահներից մեկում։
Դեպքը հետաքննող պաշտոնյան պնդել է, որ Կասիդին մահացել է «պատահականության հետևանքով» և հավելել, որ մեղավորը թմրանյութերի առքուվաճառքով զբաղվող մարդիկ են, որոնք գումար են վաստակում մարդկային ցավի, կյանքերի խորտակման ու քաոսի շնորհիվ։











