Աղքատության կրճատում, աշխատավարձերի բարձրացում, կոռուպցիայի դեմ պայքար. քաղաքացիների ակնկալիքները նոր կառավարությունից (տեսանյութ)
Աղքատության կրճատում, աշխատավարձերի բարձրացում, կոռուպցիայի դեմ պայքար. քաղաքացիներն ակնկալում են, որ նոր կառավարությունը՝ Նիկոլ Փաշինյանի գլխավորությամբ, առաջնային հենց այս խնդիրներով կզբաղվի:
«Սպասում ենք, որ լավ է լինելու: Այնուամենայնիվ, հին կառավարությունից լավ կկառավարեն նորերը: Կարծում եմ՝ առաջնային պետք է լինի կոռուպցիայի դեմ պայքարը, հավասարությունը»,- Tert.am-ի հարցման ժամանակ նման կարծիք հայտնեց քաղաքացիներից մեկը:
Քաղաքացիներն ասում են, որ չեն սպասում, թե ամեն հարց միանգամից կլուծվի, բայց աղքատությունը գոնե ինչ-որ չափով կրճատվի, աշխատավարձերի բարձրացում լինի և նոր աշխատատեղեր ստեղծվեն:
«Ես շատ մեծ սպասելիքներ ունեմ: Հուսով եմ՝ աշխատավարձերը կվերանայվեն և աղքատության մակարդակի կրճատում կլինի: Առաջնային է, որ մեր ժողովուրդը լավ ապրի»,- նշեց մեկ այլ քաղաքացի:
Մանրամասները՝ տեսանյութում:










