Սոցցանցի օգտատերերը համեմատել են Թրամփի երդմնակալության և արքայական հարսանիքի ժամանակ փողոցում հավաքված բազմությունը (լուսանկար)

23:18 • 19.05.18

Միջազգային մամուլի ուշադրության կենտրոնում այսօր Մեծ Բրիտանիայի թագավորական հարսանիքն է, որը նաև համացանցում ամենից շատ քննարկվող թեմաներից է:

Ինչպես հայտնում է BBC-ն, Սասեքսի դուքսի և դքսուհու պսակադրությանը ողջ աշխարհում միլիոնավոր մարդիկ են հետևել: Բացի այդ հազարավոր մարդիկ հավաքվել էին Վինձորյան ամրոցի հարակից տարածքում՝ ականատեսը լինելու արքայական հարսանիքին:

Սոցցանցի օգտատերերը համեմատություններ են կատարել նրանց հարսանիքը դիտելու համար հավաքված բազմության և ԱՄՆ նախագահ Դոնալդ Թրամփի երդմնակալության արարողության ժամանակ փողոց դուրս եկած մարդկանց միջև:   

Ինչպես ամերիկյան լրատվամիջոցները հաղորդել էին այն ժամանակ, դա ամենամեծ բազմությունն էր, որը երբևէ ականտես է եղել նախագահի երդմնակալությանը: Համեմատելով Վինձոր ամրոցի մոտ հավաքված մարդկանց շարասյան հետ՝ BBC-ն այն աննշան է նկարագրում: