Կիևի դատարանը կալանքի տակ է թողել Գերագույն ռադայի Նադեժդա Սավչենկոյին

19:31 • 22.05.18

Կիևի Վերաքննիչ դատարանը մայիսի 22-ին որոշում է կայացրել կալանքի տակ թողնել Գերագույն ռադայի պատգամավոր Նադեժդա Սավչենկոյին:

Ինչպես հայտնում է Корреспондент-ը, համապատասխան վճիռը կայացրել է դատավորների կոլեգիան:

Նրանք որոշել են, որ պաշտպանությունը բավականաչափ փաստարկներ չի ներկայացրել պատգամավորի նկատմամբ խափանման միջոցը փոխելու համար:

Սավչենկոն հայտարարել է, որ կշարունակի հացադուլը՝ ի նշան իրեն կալանքի տակ պահելու որոշման դեմ բողոքի:

Ինչպես նշվում է, մի քանի տասնյակ մարդիկ էին ժամանել դատարան՝ աջակցելու Սավչենկոյին:

Հիշեցնենք, որ Ուկրաինայի Անվտանգության ծառայության աշխատակիցները մարտի 22-ին ձերբակալել են Գերագույն ռադայի ժողովրդական պատգամավոր Նադեժդա Սավչենկոյին՝ Կիևում ահաբեկչություններ նախապատրաստելու կասկածանքով: