Լիտվայում սահմանափակել են ռուսական հաղորդումներ հեռարձակող կայքերի հասանելիությունը

17:37 • 24.05.18

Լիտվայում սահմանափակել են ռուսական հաղորդումներ հեռարձակող վեց կայքի հասանելիությունը: Այդ մասին հայտնում է Sputnik Լիտվա-ն՝ վկայակոչելով հեռուստատեսության և ռադիոհեռարձակման հարցերով լիտվական հանձնաժողովի մամուլի ծառայությունը:

Վիլնյուսի շրջանային դատարանը թույլ է տվել գերատեսչությանը պարտադիր հրահանգներ տրամադրել ցանցային ծառայությունների մատակարարներին՝ հեռուստատեսային հաղորդումներ տարածող կայքերի տեղեկատվության հասանելիության սահմանափակման համար:

Նշվում է, որ օրենքի համաձայն՝ հանրապետության բնակչության համար համացանցում հեռուստատեսային ծառայություններ տրամադրել ցանկացողները պետք է թույլտվություն ստանան հանձնաժողովից: Այդ հրամանագիրը խախտելու դեպքում գերատեսչությունն իրավունք ունի սահմանափակել ռեսուրսի հասանելիությունը:

Ավելի վաղ հանձնաժողովը դադարեցրել է Լիտվայում «РТР-Планета» ռուսական հեռուստաալիքի հեռարձակումը: