27 վայրկյանում՝ 5 մլն հոնկոնգյան դոլարի զարդ. տեսախցիկը ֆիքսել է Հոնկոնգում կատարված ուշագրավ գողությունը (տեսանյութ)
Հոնկոնգում տեսահսկման համակարգի խցիկները ֆիքսել են ուշագրավ պահը, երբ երկու գող ոսկերչական խանութներից մեկը թալանել են ընդամենը 27 վայրկյանում՝ գողանալով 637.000 դոլարի (5 մլն հոնկոնգյան դոլար) ոսկերչական զարդ:
Ինչպես նշում է scmp.com կայքը, ֆիքսված կադրերում երևում է՝ ինչպես է երկու դիմակավորված անձ ներխուժում առևտրի կենտրոններից մեկում գտնվող Prince Jewellery and Watch ոսկերչական զարդերի և ժամացույցների խանութ:
Նրանք ինչ-որ սարքով բացում են ցուցափեղկն ու արագ գողանում զարդերը: Գողերից մեկը, որը զինված է եղել դանակով, մոտակայքում գտնվող մարդկանց ու վաճառողներին վախեցրել է՝ ստիպելով հեռու կանգնել:
Նշվում է, որ ամբողջ գողությունը տևել է 27 վայրկյան: Այդ ընթացքում նրանք հասցրել են տանել երկու մանյակ, երկու մատանի, թևնոց ու խոշոր ադամանդ:
Հայտնի է, որ փախուստի դիմած գողերին դեռևս չեն հայտնաբերել:
Տեսանյութը կարող եք դիտել այստեղ:










