Լվովում կեղծ ահազանգ է ստացվել առևտրի 5 կենտրոններում ահաբեկչության փորձի մասին
Ուկրաինայի Լվով քաղաքում ոստիկանությունը տեղեկություն է ստացել քաղաքում գտնվող հինգ առևտրի կենտրոնների ականապատման մասին, գրում է korrespondent.net-ը։
Ահազանգից հետո դեպքի վայր են ժամանել պայթուցիկ նյութերի գծով փորձագետներ, օպերատիվ քննչական խմբեր և համապատասխան ծառայությունների աշխատակիցներ։
Իրավապահներն իրականացրել են մարդկանց շտապ տարհանման գործողություն, խուզարկել գրասենյակային և դրանց հարակից տարածքները։
Այժմ իրավապահները փորձում են պարզել այն անձի ինքնությունը, որը կատարել էր կեղծ ահազանգը։










