Նազարբաևը Ղազախստանի անվտանգության խորհուրդը ցմահ գլխավորելու իրավունք է ստացել

16:00 • 31.05.18

Ղազախստանի խորհրդարանի վերին պալատը՝ Սենատը, հինգշաբթի հավանության է արժանացրել Անվտանգության խորհրդի մասին օրենքի նախագիծը, որը, մասնավորապես, Անվտանգության խորհուրդը ցմահ գլխավորելու իրավունք է ընձեռում գործող նախագահ Նուրսուլթան Նազարբաևին, հայտնում է «ՌԻԱ Նովոստի»-ն:

Փետրվարին արդարադատության նախարար Մարատ Բեկետաևը հայտնել է լրագրողներին, որ օրենսդրական ամրագրումը ելնում է երկրում անցկացված սահմանադրական բարեփոխումներից և ծառայում է որպես կայունության ամրապնդման գործառույթ:

«Ամրագրվում է, որ Ղազախստանի Հանրապետության առաջին նախագահին է ցմահ պատկանում Անվտանգության խորհուրդը գլխավորելու իրավունքը»,- ասված է Սենատի սահմանադրական օրենսդրության, դատական համակարգի և իրավապահ մարմինների հարցերով հանձնաժողովի եզրակացությունում:

Օրենքի նախագիծն ուղարկվել է Ղազախստանի նախագահի ստորագրությանը: