Մանչեսթերում մեքենան վրաերթի է ենթարկել հետիոտների խմբի, կա 5 տուժած

09:47 • 01.06.18

Մեծ Բրիտանիայի Մանչեսթեր քաղաքում մեքենան վրաերթի է ենթարկել հետիոտների խմբի, ինչի հետևանքով լուրջ մարմնական վնասվածքներ է ստացել 5 մարդ, այս մասին տեղեկացնում է տեղի ոստիկանության Twitter-ի պաշտոնական էջը։

Նշվում է, որ վարորդը մեքենայով հասցրել է փախուստի դիմել դեպքի վայրից։ Ներկա պահին տարվում են նրա որոնողական աշխատանքները։

Շտապօգնության ծառայությունից հայտնել են, որ տուժածները բավականին լուրջ վնասվածքներ են ստացել։ Ճանապարհը, որտեղ տեղի է ունեցել միջադեպը, այժմ փակ է։ Ոստիկանությունը, սակայն, տեղի ունեցածն ահաբեկչության հետ չի կապում։

Այլ մանրամասներ առայժմ չեն հաղորդվում։