Գվատեմալայում Ֆուեգո հրաբխի ժայթքման հետևանքով զոհերի թիվը հասել է 25-ի. հայտարարվել է վտանգի կարմիր մակարդակ (լուսանկարներ, տեսանյութ)
Գվատեմալայում տեղի է ունեցել Ֆուեգո հրաբխի՝ վերջին տարիների ընթացքում ամենախոշոր ժայթքումը, ինչի հետևանքով զոհվել են տասնյակ մարդիկ: Հունիսի 4-ի տվյալներով՝ զոհերի թիվն ավելացել է՝ 7-ից հասնելով 25-ի, մինչդեռ տուժածների թիվը գերազանցում է 300-ը:
Ինչպես հաղորդում է The Guardian-ը, 3.100 մարդ տարհանվել է վտանգի գոտուց ու տեղակայվել ժամանակավոր ապաստարաններում:
Հայտնի է, որ հրաբխային մոխրի ու փոշու սյան բարձրությունը հասել է 10 կմ-ի: Մինչդեռ արտահոսած լավայի երկարությունը 8 կմ է:
Ստեղծված իրավիճակի հետևանքով փակվել է երկրի մայրաքաղաքի միջազգային օդանավակայանը: Երկրի իշխանությունները վտանգի գոտուն մոտ գտնվող տարածքներում հայտարարել են վտանգի կարմիր մակարդակ: Մայրաքաղաք Գվատեմալա Սիթիում հայտարարվել է արտակարգ դրություն:

















