Գյումրիում ԻՊ-ի համակիր ներկայացած ու ռուս զինծառայողի սպանության մեջ մեղադրվողը մեղադրվում է նաև ՔԿՀ-ի աշխատակիցներին հարվածելու մեջ
Գյումրիում 2017 թվականի ապրիլի 22-ին ռուս զինծառայողի սպանության մեջ մեղադրվող Արման Ջանջուղազյանը մեղադրվում է նաև քրեակատարողական հիմնարկի աշխատակիցների հարվածելու մեջ:
Արման Ջանջուղազյանին մեղադրանք է առաջադրվել այն բանի համար, որ նա 2018թ. մարտի 7-ին կալանքը «Նուբարաշեն» ՔԿՀ-ում կրելու ընթացքում, խախտելով ներքին կանոնակարգը, կիպ մոտեցել է խցի դռան դիտանցքին և ծակել այն: Դրանից հետո հիմնարկի հերթափոխի խմբի գլխավոր մասնագետ Թաթուլ Հակոբյանի և նույն հերթապահ խմբի գլխավոր մասնագետ Հրաչյա Նիկողոսյանի կողմից խցի դիտանցքը ներսի կողմից չփակելու և լույսը չանջատելու դիտավորությունից հետո Ջանջուղազյանը՝մեկ անգամ հարվածել է Թաթուլ Հակոբյանի և երկու անգամ Հրաչյա Նիկողոսյանի դեմքին՝ վերջիններիս առողջությանը պատճառելով առողջության թեթև վնասի հատկանիշներ չպարունակող մարմնական վնասվածք:
Նա մեղադրվում է ՀՀ ՔՕ-ի 319-րդ հոդվածի 2-րդ մասի հատկանիշներով՝ կալանավորվածներին պահելու վայրում գտնվող անձանց նկատմամբ, կյանքի կամ առողջության համար ոչ վտանգավոր բռնություն գործադրելը, որը պատժվում է ազատազրկմամբ՝ 2-5 տարի ժամկետով:
Նշենք, որ Արման Ջանջուղազյանը կալանավորված է ռուս զինծառայողին սպանելու մեղադրանքով:
Նրան մեղադրանք է առաջադրվել այն բանի համար, որ նա «Իսլամական պետություն» ահաբեկչական խմբավորման համակիր ներկայացած, քննությամբ դեռևս չպարզված անձանց օժանդակությամբ 2017թ.ապրիլի 22-ին սահմաններում, կրոնական մոլեռանդության շարժառիթով ապօրինաբար կյանքից զրկելու դիտավորությամբ Գյումրիում դանակով մի քանի անգամ հարվածել է Ռուսատանի Դաշնության թիվ 102 ռազմաբազայի զինծառայող Դմիտրի Յալպաևին` սպանելով վերջինիս: Նա ներկայացել է որպես «Իսլամական պետություն» ահաբեկչական խմբավորման համակիր :
Նրան մեղադրանք է առաջադրվել ՀՀ ՔՕ-ի 235-րդ հոդվածի 4-րդ մասի՝ապօրինի կերպով սառը զենք կրելը և 104-րդ հոդվածի 2-րդ 13-րդ կետի հատկանիշներով՝ սպանություն՝ ազգային, ռասայական կամ կրոնական ատելության կամ կրոնական մոլեռանդության շարժառիթով:










