Պուտինը պատմել է Չինաստանի ղեկավարի հետ խմած օղու մասին
Ռուսաստանի Դաշնության նախագահ Վլադիմիր Պուտինը պատմել է, թե ինչպես է մի անգամ իր ծննդյան առիթով օղի խմել Չինաստանի Ժողովրդական Հանրապետության ղեկավար Սի Ձինփինի հետ։
Ինչպես գրում է lenta.ru-ն, այդ մասին Պուտինն ասել է Չինաստանի միջազգային ռադիոյին տված հարցազրույցի ժամանակ։
«Երևի թե Սի Ձինփինը միակն է աշխարհի առաջնորդներից, ում հետ ես մեկ անգամ նշել եմ իմ ծննդյան տոներից մեկը։ Այստեղ որևէ գաղտնիք չկա՝ մենք դա շատ հասարակ արեցինք։ Չեմ թաքցնի՝ մենք մեկական բաժակ օղի խմեցինք, ինչ-որ երշիկ կտրեցինք», - ասել է ՌԴ նախագահը։
Պուտինը նաև հրաժարվել է ասել, թե ինչ նվեր է պատրաստվում տանել Չինաստանի առաջնորդին հաջորդ այցի ժամանակ։
«Եթե ես պատմեմ՝ էլ ի՞նչ անակնկալ։ Թող դա առայժմ գատնիք մնա», - ասել է ՌԴ նախագահը։











