ԵՄ-ն հուլիսի սկզբից մաքսատուրքեր կսահմանի ԱՄՆ-ից ապրանքների համար

17:05 • 06.06.18

Եվրահանձնաժողովը հուլիսի սկզբին ներկրվող ամերիկյան ապրանքների համար նոր մաքսատուրքեր կսահմանի: Այդ մասին ասված է Եվրահանձնաժողովի կայքում, հաղորդում է Reuters գործակալությունը:

Եվրահանձնաժողովը հուսով է անդամ պետությունների հետ համակարգմամբ համապատասխան գործընթացն ավարտին հասցնել մինչև հունիսի վերջը, որպեսզի նոր մաքսատուրքերը սկսվեն կիրառվել հուլիսին:

Փաստաթղթում ընդգծվում է, որ ԵՄ քայլերն ամբողջությամբ համապատասխանում են ԱՀԿ կանոններին և թույլ կտան վերականգնել ԵՄ մաքսատուրքերից 64 միլիարդ եվրոյի վնասը:

Առևտրի հարցերով եվրահանձնակատար Սեսիլիա Մալմստրյոմի խոսքով՝ «դա հավասարակշիռ և համաչափ պատասխան է ԱՄՆ միակողմանի և անօրինական որոշումներին»:

«Ավելին, ԵՄ արձագանքն ամբողջությամբ համապատասխանում է միջազգային առևտրի նորմերին: Մենք ցավում ենք, որ Միացյալ Նահանգները մեզ այլ ընտրություն չթողեց՝ ԵՄ շահերը պաշտպանելուց բացի»,- ասել է նա:

Մայիսի վերջին հայտնի էր դարձել, որ Վաշինգտոնը հունիսի 1-ից Եվրոպայից, Կանադայից, Մեքսիկայից և այլ երկրներից ԱՄՆ ներկրվող պողպատի համար 25 տոկոսի չափով և ալյումինի համար 10 տոկոսի չափով մաքսատուրքեր է սահմանում: Հունիսի 1-ին ԵՄ-ն վիճարկել է ԱՄՆ-ի որոշումն Առևտրի համաշխարհային կազմակերպությունում: