Պուտինն ասել է՝ ինչն է զոհաբերել նախագահության համար

16:04 • 07.06.18

Ռուսաստանի Դաշնության նախագահ Վլադիմիր Պուտինն ուղիղ կապի ձևաչափով ռուսաստանցիների հետ շփման ժամանակ քաղաքական և տնտեսական կարևոր հարցերից զատ՝ պատասխանել է նաև մի շարք անձնական բնույթի հարցերի:

Երբ հաղորդավարներից մեկը հետաքրքրվել է, թե ՌԴ ղեկավարն ինչն է զոհաբերել հանուն նախագահության, Պուտինն ասել է՝ «անձնական կյանքս»:

Միևնույն ժամանակ, նա նկատել է, որ դրա դիմաց ստացել է միլիոնավոր մարդկանց օգնելու ու իրենց հայրենիքն ավելի հզորացնելու հնարավորություն:

Բացի այդ, նախագահը նշել է, թե հորից ստացած որ խորհուրդը կփոխանցի թոռներին:

«Չստել»,- հակիրճ ասել է ՌԴ ղեկավարը:

Իսկ երբ հաղորդավարը հետաքրքրվել է՝ երբ է նախագահը սկսել հավատալ Աստծուն, Պուտինը նշել է, որ դա խիստ անձնական հարց է:

«Յուրաքանչյուր մարդ ծնվում է հավատով առ Աստված: Կարծում եմ՝ մեզնից ամեն մեկը, ընկնելով ծանր դրության մեջ, ակամայից մտածում է Աստծո մասին»,-ասել է Պուտինը: