Ուկրաինայի մի խումբ պատգամավորներ դիմել են Ազգային անվտանգության խորհրդին՝ Օդեսան «կորցնելու» պատճառով

09:57 • 08.06.18

Ուկրաինայի գերագույն ռադայի պատգամավորների խումբը դիմել է Ազգային անվտանգության և պաշտպանության խորհրդի քարտուղար Ալեքսանդր Տուրչինովին՝ խնդրելով Օդեսայում իրավիճակի առնչությամբ նիստ անցկացնել: Այդ մասին Facebook-ի իր էջում հայտնել է պատգամավոր Իգոր Լուցենկոն:

Լուցենկոյի խոսքով՝ Օդեսայում ուկրաինամետ ակտիվիստներն ահաբեկումների են ենթարկվում, և դրա ծավալներն «աննախադեպ մասշտաբների են հասել»:

«Մենք կորցնում ենք Օդեսան նույն սցենարով, ինչ Դոնբասը»,- գրել է պատգամավորը:


Օդեսայում 2014 թվականի մայիսի 2-ին բախումներ էին տեղի ունեցել դաշնայնացման և կենտրոնացման կողմնակիցների միջև, ինչի հետևանքով զոհվել է 48 մարդ։ Գործի հետաքննությունը շարունակվում է։