Պուտինն արդյունավետ է գնահատել Սիրիայի հարցում Իրանի հետ համագործակցությունը

13:05 • 09.06.18

Ռուսաստանն ու Իրանը բարեհաջող համագործակցում են սիրիական ճգնաժամի կարգավորման հարցում։ Այդ մասին, ինչպես հայտնում է «ՌԻԱ Նովոստի» գործակալությունը, ասել է ՌԴ նախագահ Վլադիմիր Պուտինը։


«Մենք բարեհաջող համագործակցում ենք սիրիական ճգնաժամի կարգավորման հարցում։ Եվ այստեղ մենք քննարկելու բան ունենք, որովհետև կան կոնկրետ արդյունքներ»,- ասել է Պուտինն Իրանի նախագահ Հասան Ռոհանիի հետ հանդիպման ժամանակ։


«Ես ուրախ եմ Շանհայի համագործակցության կազմակերպության շրջանակում միջազգային հանդիպմանը ձեզ հետ աշխատելու հնարավորության համար»,- ասել է Պուտինը։


 ՇՀԿ գագաթնաժողովն անցկացվում է Ցինդաո քաղաքում, հունիսի 9-10-ը։