Մելանյա Թրամփը 25-օրյա բացակայությունից հետո հանրությանն է ներկայացել իրեն հատուկ նրբաճաշակությամբ (լուսանկարներ)
Միացյալ Նահանգների առաջին տիկին Մելանյա Թրամփը երիկամի բարորակ նորագոյացության վիրահատությունից հետո առաջին անգամ ներկայացել է հանրությանը՝ Վաշինգտոնում մասնակցելով Ֆորդի թատրոնի կազմակերպած գալա երեկոյին:
Ինչպես նշում է Daily Mail-ը, 48-ամյա տիկին Թրամփը միայնակ է մասնակցել միջոցառմանը, քանի որ ամուսինը՝ ԱՄՆ նախագահ Դոնալդ Թրամփը, այժմ գտնվում է Սինգապուրում:
Հատուկ այս առիթով Մելանյա Թրամփը կրել է 2.700 դոլար արժողությամբ Escada էլեգանտ զգեստ՝ ներկայանալով իրեն բնորոշ գեղեցկությամբ ու էլեգանտությամբ:
Աղբյուրը նկատում է, որ առաջին տիկնոջ հայտնությունը շատ սպասված էր, քանի որ նա 25 օր հանրությանը չէր երևացել՝ բազմաթիվ խոսակցությունների տեղիք տալով:
Օրերս նա Սպիտակ տանը մասնակցել էր դռնփակ միջոցառման, որի ժամանակ լրագրողներին թույլ չէին տվել սենյակ մտնել, սակայն ներկաներից մեկն առաջին տիկնոջը գաղտնի լուսանկարել էր:














