Կրեմլում հայտնել են, թե որ օտարերկրյա առաջնորդները ներկա կլինեն Ֆուտբոլի աշխարհի առաջնության բացմանը

16:20 • 13.06.18

Ռուսաստանում Ֆուտբոլի աշխարհի առաջնության բացմանը ներկա են լինելու մի շարք երկրների առաջնորդներ, մասնավորապես՝ Հայաստանի, Ադրբեջանի, Բելառուսի, Բոլիվիայի, Ղազախստանի, Ղրղզստանի, Մոլդովայի, Լիբանանի, Պանամայի, Պարագվայի, Ռուանդայի, Սաուդյան Արաբիայի, Տաջիկստանի, Ուզբեկստանի առաջնորդները: Այդ մասին հայտնել է ՌԴ նախագահի մամուլի քարտուղար Դմիտրի Պեսկովը, հայտնում է «ՌԻԱ Նովոստի»-ն:

Հաղորդվում է, որ Պուտինը հանդիպելու է նաև ԿԺԴՀ գերագույն ժողովրդական ժողովի պրեզիդիումի նախագահ Կիմ Յոն Նամին:

Հաղորդվում է նաև, որ առաջնությանը ներկա են լինելու նաև Աբխազիայի և Հարավային Օսիայի նախագահները: