629 մարդ տեղափոխող Aquarius-ը հետ ուղարկելուց հետո Իտալիան ընդունել է 900 ներգաղթյալով նավը (լուսանկարներ)

12:40 • 14.06.18

Իտալիայի իշխանությունները հանգրվան են տրամադրել 937 փախստական տեղափոխող նավին՝ չնայած, որ մի քանի օր առաջ հրաժարվել էին ընդունել 629 լիբիացի փախստական տեղափոխող Aquarius նավը:

Ինչպես նշում է Daily Mail-ը, Էրիթրեայից, Սուդանից, Մալիից, Գվինեայից ու Փղոսկրի ափից եկած փախստականները գտնվել են Diciotti նավում, որը հանգրվանել է սիցիլիական Կատանիա քաղաքի ափին: Ինը հարյուր երեսունյոթ մարդուց 208-ը երեխաներ են, կան նաև տասից ավելի հղիներ:

Հայտնի է, որ ավելի վաղ Ֆրանսիան քննադատել էր Իտալիայի նոր ձևավորված կառավարությանը՝ Aquarius-ը չընդունելու համար: Ֆրանսիայի նախագահ Էմանուել Մակրոնն իտալական կողմի որոշումը որակել էր որպես «ցինիկ ու անպատասխանատու քայլ»: Մինչդեռ Իտալիան պահանջել էր, որ Ֆրանսիան իր հերթին դռները բացի հազարավոր ներգաղթյալների առաջ:

«Պետք չէ մեզ գթասրտության դասեր տալ»,-ասել է Իտալիայի փոխվարչապետ Մատեո Սալվինին՝ ընդգծելով, որ Ֆրանսիան վերջին 3 տարում ընդունել է միայն 640 ներգաղթյալ:

Պաշտոնյան հավելել է, որ Իտալիային գթասրտության դասեր տվող Ֆրանսիան խոսելու փոխարեն ավելի լավ կաներ, եթե ընդուներ մոտ 10.000 ներգաղթյալի, որոնց ապաստան տալու պարտավորություն էր ստանձնել դեռևս 2015թ.:

Սալվինին հիշեցրել է, որ Ֆրանսիայի իշխանությունները հրաժարվել են ընթացիկ տարվա հունվար-մայիս ամիսներին ապաստան տրամադրել 10.249 ներգաղթյալի, որոնք փորձել են Իտալիայից Ֆրանսիա հասնել:

 

The migrants arrived in Catania, Sicily, aboard the coast guard vessel Diciotti on Monday

Migrants wait to disembark from Italian Coast Guard vessell "Diciotti" as it docks at the Sicilian port of Catania

Red Cross tents set up at the port of Catania as the 937 migrants prepare to disembark

Workers wearing hazmat suits assess the health of the hundreds of migrants coming ashore

 During the voyage to Sicily, four pregnant women and a man suffering from fever were evacuated urgently and taken to hospitals