Կոլորադոյում անհայտ անձը կրակ է բացել մանկական ատամնաբուժական կլինիկայի բակում, կան տուժածներ (տեսանյութ, լուսանկարներ)
ԱՄՆ Կոլորադո նահանգում անհայտ անձը կրակ է բացել մանկական ատամնաբուժական կլինիկաներից մեկի մոտակայքում, միջադեպի հետևանքով տուժել է 4 մարդ, նրանց թվում՝ 2 երեխա, փոխանցում է Denver Post պարբերականը։
Հայտնի է, որ դեպքը տեղի է ունեցել Ուեսթմինսթեր շրջանում, անհայտ տղամարդը կրակահերթ է բացել բժշկական կենտրոնի ավտոկայանատեղիի տարածքում, այնուհետև փախուստի է դիմել մեքենայով։
Որոշ լրատվամիջոցներ հայտնում են կասկածյալի ձերբակալման մասին։ Ըստ CBS-ի՝ դեպքից ժամեր անց ոստիկաններին հաջողվել է դուրս գալ մեքենայի հետքի վրա ու ձերբակալել կասկածյալին։ Սակայն ոստիկանությունից նշել են, որ «դա անձ է, ում իրենք հարցեր ունեն տալու», և եթե նա դառնա գործով գլխավոր կասկածյալը՝ նրա անունն անպայման կհրապարակվի։
Տուժածների առողջական վիճակի մասին տվյալներ դեռևս չեն հրապարակվում, հայտնի է, որ բոլորը հոսպիտալացվել են։















