Եղանակն՝ այսօր
«Ջոքեր» ֆիլմի ռեժիսորը հայտնել է, որ ֆիլմի ամենաուշագրավ տեսարաններից մեկը չի եղել սկզբնական սցենարում
13:37 • 15.10.19
«Ջոքեր» ֆիլմի ռեժիսոր Թոդ Ֆիլիպսը խոստովանել է, որ ֆիլմի ամենաուշագրավ տեսարաններից մեկը չի եղել սկզբնական սցենարում, գրում է Screen Rant-ը:
Աղբյուրի հաղորդմամբ՝ ֆիլմի գլխավոր դերակատար Խոակին Ֆենիքսն իմպրովիզ է արել, որը դարձել է ֆիլմի ամենագեղեցիկ տեսարաններից մեկը:
Ի սկզբանե ենթադրվում էր, որ լոգարանի տեսարանի ժամանակ պատմության մեջ կարևորագույն չարագործներից մեկը, նայելով հայելու մեջ, իրեն կհարցնի «Ի՞նչ արեցի», սակայն նկարահանումների ժամանակ Խոակին Ֆենիքսն ի զարմանս բոլորի անսպասելիորեն սկսել է պարել: Ֆիլմի համատեքստում տեսարանն առավել քան ազդու է եղել, և ֆիլմի ստեղծողները որոշել են այն թողնել վերջնական տարբերակում:
Հիշեցնենք, որ «Ջոքեր» ֆիլմն արժանացել է Վենետիկի ամենամյա կինոփառատոնի «Սուրբ Մարկոսի ոսկե առյուծ» գլխավոր մրցանակին:
Placeholder
Studio One