Դերասան Ջեյմս Դինը մահվանից 65 տարի անց «հանդես կգա» նոր ֆիլմում

1955 թվականին մահացած ամերիկյան հայտնի դերասան Ջեյմս Դինի կերպարը նորից էկրաններ կվերադառնա՝ շնորհիվ համակարգչային գրաֆիկայի, հայտնում է Hollywood Reporter-ը։

Ջեյմս Դինին հետմահու ներառել են վիետնամական պատերազմի մասին պատմող «Ջեքի հետքերով» ֆիլմի դերասանական կազմում։

Դերասանը «հանդես կգա» նշանակությամբ երկրորդ կերպարի դերում։ Ֆիլմի հիմքում ընկած է Գարեթ Քրոքերի՝ վիետնամական պատերազմի վերջում լքված շների մասին պատմող գիրքը։

«Մենք Ռոգանի կերպարի համար երկար ժամանակ էինք դերասան փնտրում... Երկար փնտրտուքից հետո մենք ընտրեցինք Դինին»,- ասել է ռեժիսոր Անտոն Էռնստը։

Magic City Films կինոստուդիան ձեռք է բերել Դինի կերպարն օգտագործելու իրավունքը դերասանի ընտանիքից։ Լուսանկարների և արխիվային ձայնագրությունների վրա հիմնված դերասանի «իրական կրկնօրինակի» ստեղծումը վստահվել է MOI Worldwide և Imagine Engine ընկերություններին։ Դերասանի ձայնը կկրկնօրինակի մեկ այլ դերասան։

Նշված լուրն արդեն քննադատությունների ալիք է բարձրացրել կինեմատոգրաֆիայի աշխարհում։ Զելդա Ուիլյամսը՝ Ռոբին Ուիլյամսի դուստրը, որն արգելել է օգտագործել իր կերպարը, ասել է, որ նշվածը մեռյալների «սարսափելի» կենդանացման նախադեպ է։ Ուիլյամսին է միացել Քրիս էվանսը՝ ասելով. «Միգուցե համակարգիչը մեզ համար Պիկասոյի մեկ այլ կտա՞վ կնկարի կամ Ջոն Լենոնի մի քանի ստեղծագործությո՞ւն գրի»։