Կիանու Ռիվզը հայտնվել է «Սպունգ Բոբ» մուլտֆիլմի թրեյլերում (տեսանյութ, լուսանկարներ)

Հինգշաբթի հրապարակվել է «Սպունգ Բոբ»-ի մասին պատմող նոր՝ «Movie: Sponge on the Run» մուլտֆիլմի թրեյլերը, որտեղ հանդես է եկել նաև հոլիվուդյան դերասան Կիանու Ռիվզը: Թրեյլերը հրապարակվել է Paramount Pictures Youtube-ի պաշտոնական ալիքում։

Թրեյլերը սկսվում է Սպունգ Բոբի խոստովանությամբ.«Սիրում եմ իմ կյանքը», որից հետո երկու րոպե տևողությամբ տեսանյութում հայտնվում է 55-ամյա հայտնի դերասանի պատկերը:

Հաղորդվում է նաև, որ մուլտֆիլմում հանդես կգան հայտնի ռեփեր Snoop Dogg-ը և երգչուհի Ակվաֆինան: Ֆիլմը լթողարկվի 2020 թվականի մայիսին։

Սպունգ Բոբ Քառակուսի Տաբատ մուլտֆիլմը թողարկվել է 1999 թվականի հուլիսի 17-ին և դարձել է ամենահայտնի հեռուստածրագրերից մեկը ամբողջ աշխարհում:

Սպունգ Բոբի իրական հաջողությունը սկսվեց այն ժամանակ, երբ սկսեց ցուցադրվել մուլտֆիլմի երկրորդ եթերաշրջանը։ 2004 թվականի նոյեմբերի 19-ին ԱՄՆ-ում տեղի է ունեցել առաջին լիամետրաժ մուլտֆիլմի պրեմիերան՝ «SpongeBob SquarePants: The Movie», իսկ 2015 թվականի փետրվարի 6-ին տեղի է ունեցել երկրորդ լիամետրաժ մուլտֆիլմի պրեմիերան, որը առաջինի շարունակությունն էր՝ «Սպունգ Բոբ 3D»։