Եղանակն՝ այսօր
Ջեյմս Բոնդի մասին պատմող ֆիլմի նոր դերակատարը կարող է ունենալ մաշկի ցանկացած գույն, բայց կին լինել չի կարող. պրոդյուսերները բացառում են
Ջեյմս Բոնդի մասին պատմող նոր՝ «Մահանալու ժամանակ չկա» ֆիլմի ավարտից հետո գլխավոր հերոս Դենիել Քրեյգը էստաֆետը կհանձնի մեկ այլ դերասանի: Ինչպես հայտնում է News.com.au-ն, ֆիլմի պրոդյուսերներից Բարբարա Բրոկոլին բացառել է, որ նոր ֆիլմում Բոնդի դերակատարը կլինի կին:
«Նա կարող է ունենալ մաշկի ցանկացած գույն, սակայն մի բան հստակ է` նա կին լինել չի կարող»,- ասել է Բարբարան` հավելելով, որ կանանց համար հարկավոր է ստեղծել նոր ու ավելի ուժեղ կերպարներ:
Միևնույն ժամանակ նշվում է, որ Քրեյգին փոխարինող նոր թեկնածու գտնել դեռևս չի հաջողվել:
Նշենք, որ նոր ֆիլմում Բոնդը հանձն է առնում առևանգված գիտնականին փրկելու առաքելությունը, որի ընթացքում առերեսվում է նոր տեխնոլոգիաներով զինված վտանգավոր ու խորհրդավոր չարագործին: Ֆիլմի նկարահանումները տեղի են ունեցել նաև Լոնդոնում, Իտալիայում և Նորվեգիայում:
Studio One