Բրիտանական դրամահատարանը Queen ռոք խմբի պատվին մետաղադրամ է թողարկել (տեսանյութ, լուսանկարներ)

Բրիտանական թագավորական դրամահատարանն ազդարարել է երաժշտության համաշխարհային լեգենդներին նվիրված մետաղադրամների շարքի թողարկման մասին, որը սկսվել է բրիտանական Queen ռոք խմբից: Այս մասին տեղեկացնում է դրամահատարանի մամուլի ծառայությունը:

«Նրանք հիթերի շարք են ձայնագրել: Երկրպագուները հավաքվում էին, որպեսզի նրանց կենդանի տեսնեին, նրանց կայծակնային հիմներն ու էպիկական բալլադները հիանալի էին ներկայացվում նրանց վառ առաջնորդի կողմից, որը ողբերգական կերպով շուտ հեռացավ կյանքից»,-ասված է հայտարարության մեջ:

Բացի այդ, դրամահատարանի Twitter-ի էջում տեսանյութ է հայտնվել, որում խմբի կիթառահար Բրայան Մեյը ներկայացրել է մետաղադրամը:

Նրա խոսքով` մանրադրամի մի կողմում պատկերված է Մեծ Բրիտանիայի թագուհի Էլիզաբեթ Երկրորդը, իսկ մյուս կողմում` խմբի տարբերանշանը:

Մետաղադրամների տուփերը ձևավորված են ձայնասկավառակների տեսքով: 

Մետաղադրամի արժեքը 13-15 ֆունտ սթերլինգ է: Ներկայացվել են նաև սահմանափակ թվով մետաղադրամներ: Դրանցից ամենաթանկը ոսկե մետաղադրամն է, որի արժեքը 2020 ֆունտ սթերլինգ է:

The #Queen 2020 commemorative #coin has received the (rock) royal seal of approval! We’re glad you like it, @DrBrianMay! >> https://t.co/2fe6hcP8Jg@QueenWillRock @OfficialRMT pic.twitter.com/GOatsOwxPZ

— The Royal Mint (@RoyalMintUK) January 20, 2020