Մեր պետության ղեկավարները ցեղասպանություն են անում. շահումյանցին՝ խաղողի մթերման պայմանների փոփոխությունների մասին (տեսանյութ)
Այս սա է ժողովրդի ցեղասպանությունը, մեր պետության ղեկավարները ցեղասպանություն են անում: Այս մասին այսօր Tert.am-ի հետ զրույցում ասաց Շահումյան գյուղի բնակիչներից մեկը, ով նույնպես մասնակցում էր խաղողի մթերման վատ պայմանների դեմ բողոքի ակցիային:
Հիշեցնենք, որ Արարատի մարզի Շահումյան գյուղի բնակիչները ակցիա են սկսել, փակել են Երևան-Երասխ մայրուղին: Նրանք բողոքում են, որ խաղողի մթերման գնի մեջ փոփոխություն է եղել, ինքնարժեքը 100 դրամ է, մթերման գինը՝ 135: Նրանք ասում են, որ այդպես գոյատևել հնարավոր չէ:
«Ցեղասպանությունն այն է, որ ես հիմա իմ ընտանիքին չեմ կարողանում պահել»,- շահումյանցին և հավելեց, որ Հայաստանին Արարատի և Արմավիրի մարզերն են պահում, իսկ հիմա պետությունը ոչ մի կերպ չի ընդառաջում:
«72 տարեկան մարդ եմ, չոքեչոք խոտ եմ քաղում, մշակում, որ այսօրով իմ ընտանիքը պահեմ, սրանք ասում են՝ չէ 120, 100 դրամ. որպես ի՞նչ: Ուզում ենք՝ վարչապետը գա, որ իր խոսքերին տեր կանգնի: Ասել է՝ առանց տոկոս 3 մլրդ դրամ եմ տալիս, 2 տարով, գինու գործարանները գյուղացու խաղողն են ուզում: Չեկա, կպառկենք ասֆալտին, թող գան, տրորեն, անցեն»,-ասաց նա:
Բնակիչներից մեկը շեշտեց, որ քանի գնում է, իրենց վարկերը ծանրաբեռնվում են, իսկ խաղողի գինն ով, ինչպես ուզում որոշում է, Կառավարություն չկա: «Ասում են՝ Կառավարությունն է որոշել, Կառավարությունն ինչի պետք է որոշի ժողովրդի տեղը: Թող գան, մեր հարսերին պատասխանեն, մենք ճանապարհը փակում ենք»:
Ոստիկանները ակցիայի մասնակիցներին հորդորեցին, որ անվտանգ գոտում կանգնեն:










