Հոնկոնգցի հայտնի հավաքորդի բնակարանից գողացել են 516 մլն դոլար արժողության իրեր, այդ թվում՝ Մաո Ցզեդունի ձեռագիր գրությունները (լուսանկարներ)
Հոնկոնգցի հայտնի հավաքորդ Ֆու Չունսյաոն հայտնել է, որ իր բնակարանից հափշտակել են 516 մլն դոլար արժողության մի շարք նշանավոր իրեր, գրում է South China Morning Post-ը:
Հավաքորդի խոսքով՝ գողացված իրերի թվում են Չինաստանի Կոմունիստական կուսակցության նախկին գլխավոր քարտուղար Մաո Ցզեդունի ձեռագիր գրությունները, ինչպես նաև փոստային նամականիշներ։
Նշվում է, որ Ֆու Չունսյաոն հայտնի հավաքորդ է․ երկու տարի առաջ նրա հավաքածուից 200 նմուշներ ցուցադրվել են Հոնկոնգում կայացած Մաո Ցզեդունի նամականիշների ցուցահանդեսում:
«Սա ինձ համար մեծ հարված է և ես չափազանց տխուր եմ։ Այդ իրերն, իսկապես, անգին են»,- ասել է նա՝ հավելելով, որ գողացված իրերի ընդհանուր արժեքը կազմում է 516 մլն դոլար։













