Էլիզաբեթ 2-րդը Հարվի Վայնշտեյնին զրկել է պատվավոր կոչումից (լուսանկարներ)

15:28 • 19.09.20

Մեծ Բրիտանիայի թագուհի Էլիզաբեթ 2-րդի կարգադրությամբ սեռական ոտնձգությունների ու բռնաբարությունների համար դատապարտված հոլիվուդյան նախկին պրոդյուսեր Հարվի Վայնշտեյնը զրկվել է Բրիտանական կայսրության շքանշանից, տեղեկացնում է Daily Mail-ը։

«Թագուհին կարգադրել է չեղյալ հայտարարել 2004 թվականի հունվարի 29-ին Հարվի Վայնշտեյնին ընծայված Բրիտանական կայսրության շքանշանի պատվավոր ասպետի կոչումը»,- ասված է թագավորական պալատի հայտարարության մեջ:

Հոլիվուդյան նախկին պրոդյուսեր Հարվի Վայնշտեյնը Բրիտանական կինոարդյունաբերության զարգացման գործում ունեցած ավանդի համար պատվավոր կոչման էր արժանացել 2004 թվականին։

Այս տարվա մարտի 11-ին Վայնշտեյնին 23 տարվա ազատազրկման են դատապարտել։ Փետրվարին երդվյալ ատենակալները նրան մեղավոր են ճանաչել բռնաբարության համար։

Պրոդյուսերի դեմ մեղադրանքներ առաջին անգամ ներկայացվել են 2017 թվականի վերջին The New York Times-ի էջերում։ Հրատարակությունը շատ երիտասարդ դերասանուհիների և պրոդյուսերին ենթական անձանց մասին է գրել, որոնք 30 տարվա ընթացքում պարբերաբար տուժել են նրա գործողություններից։

Ավելի ուշ Վայնշտեյնի հետ իրենց հարաբերությունների մասին է պատմել ավելի քան 80 կին, այդ թվում՝ Անջելինա Ջոլին, Գվինեթ Փելթրոուն, Սալմա Հայեկը։ Մայիսի 29-ին նրան արդեն մեղադրել են անչափահասի և ևս երեք զոհի բռնաբարության համար։

Harvey Weinstein has been stripped of his CBE for contribution to the British film industry after he was convicted of rape earlier this yearWeinstein (pictured with the Queen), 68, who was sentenced to 23 years in prison by a US court in February, was granted an honorary CBE for his contribution to the British film industry in 2004Pictured: Weinstein with his CBE