Գեյթսը պատմել է համավարակի ընթացքում Թրամփի գործած «սխալի» մասին (տեսանյութ)
Ամերիկյան Microsoft կորպորացիայի հիմնադիր Բիլ Գեյթսը հայտարարել է, որ համավարակի ընթացքում նախագահ Դոնալդ Թրամփի՝ Չինաստանի և Եվրոպայի նկատմամբ սահմանած ճամփորդական սահմանափակումները միայն խորացրել են կորոնավիրուսային ճգնաժամը երկրում՝ ստիպելով ամերիկացիներին արտասահմանից խուճապահար հայրենիք վերադառնալ, գրում է Daily Mail պարբերականը։
«Այս խառնաշփոթը ստեղծեցինք, սակայն չունեինք այդ մարդկանց թեստավորելու և կարանտինային ռեժիմով ապահովելու հնարավորություն․ հենց դա էլ այստեղ ողբերգության հանգեցրեց»,- նշել է Բիլ Գեյթսը Fox News-ին տված հարցազրույցի ընթացքում։
Գեյթսը մանրամասնել է, որ վարակը երկրի արևմտյան մասեր ներթափանցել է Չինաստանից, իսկ արևելյան հատվածներ՝ Եվրոպայից:
Տեսանյութը կարող եք դիտել այստեղ։










