Բայկալ լճի շրջանում երկրաշարժ է գրանցվել

00:47 • 22.09.20

ՌԴ Իրկուտսկի մարզի Բայկալի շրջանում երկրաշարժ է գրանցվել: Այս մասին հայտնում է РИА Новости-ն՝ հղում տալով տեղի արտակարգ իրավիճակների նախարարության գլխավոր վարչությանը:

Վարչության ինսթագրամյան հրապարակման մեջ նշվում է, որ երկրաշարժը եղել է 5.9 մագնիտուդ ուժգնությամբ և ունեցել 8.1 ինտենսիվություն: Էպիկենտրոնում՝ ցնցումները կազմել են 5-6 բալ:

Հաղորդվում է, որ ցնցումներ նկատվել են 12 շրջաններում, ավերածությունների կամ տուժածների մասին տեղեկություն չի ստացվել:

Ավելի վաղ Եվրոպական միջերկրածովյան սեյսմոլոգիական կենտրոնից պատմել էին, որ երկրաշարժը գրանցվել է Մոսկվայի ժամանակով 21:04-ին: