Մհեր Գրիգորյանի գրասենյակի վարչության պետի տեղակալի պաշտոնից ազատվում եմ այլ աշխատանքի անցնելու պատճառով․ Հերմինե Կատվալյան

14:58 • 23.09.20

ՀՀ փոխվարչապետ Մհեր Գրիգորյանի գրասենյակի միջազգային տնտեսական ինտեգրման վարչության պետի տեղակալի պաշտոնից ազատվում եմ այլ աշխատանքի անցնելու պատճառով, միջազգային կազմակերպությունում եմ աշխատելու։ Այս մասին Tert.am-ը տեղեկացավ Հերմինե Կատվալյանից։

Հիշեցնենք, որ ավելի վաղ gov.am-ում հրապարակվել էր, որ ՀՀ վարչապետ Նիկոլ Փաշինյանը Հերմինե Կատվալյանին ՀՀ փոխվարչապետ Մհեր Գրիգորյանի գրասենյակի միջազգային տնտեսական ինտեգրման վարչության պետի տեղակալի պաշտոնից ազատելու մասին որոշում է ստորագրել։

«Ղեկավարվելով «Քաղաքացիական ծառայության մասին» Հայաստանի Հանրապետության օրենքի 16-րդ հոդվածի 3-րդ մասով և 37-րդ հոդվածի 1-ին մասի 1-ին կետով`

Հերմինե Արայիկի Կատվալյանին 2020 թվական սեպտեմբերի 25-ից ազատել Հայաստանի Հանրապետության փոխվարչապետ Մհեր Գրիգորյանի գրասենյակի միջազգային տնտեսական ինտեգրման վարչության պետի տեղակալի (06-Գ30-19.1-Ղ3-1) պաշտոնից»,- նշվել  էր որոշման մեջ: