«Ինչո՞ւ է այդքան գումար ծախսել պլաստիկ վիրահատության վրա, եթե դեմքը ծածկում է դիմակով». Թրամփը Բայդենին ծաղրել է դիմակ կրելու համար
ԱՄՆ գործող նախագահ Դոնալդ Թրամփը նախընտրական առաջին հեռուստաբանավեճից մեկ շաբաթ առաջ նախագահական ընտրություններում իր գլխավոր մրցակից դեմոկրատ Ջո Բայդենին ծաղրել է արտաքին տեսքի և պարտադիր դիմակ կրելու սովորության համար: Այս մասին տեղեկացնում է thehill.com կայքը:
«Նրան դուր է գալիս դիմակը և դա նորմալ է: Անկեղծ ասած՝ ինչո՞ւ է նա այդքան գումար ծախսել պլաստիկ վիրահատության վրա, եթե դեմքն անընդհատ ծածկում է դիմակով»,-կատակել է Թրամփը:
Սա Թրամթի նմանատիպ առաջին կատակը չէ Բայդենի մասին, ավելի վաղ նա մրցակցին կնքել էր «Քնկոտ Ջո» մականունով:
Ի տարբերություն Թրամփի քարոզարշավի, Բայդենի քարոզարշավի շրջանակներում հանդիպումները ավելի սակավամարդ են լինում:
«Ես անհամբեր սպասում եմ Թրամփի հետ բանավեճի փուլ դուրս գալուն և նրան պատասխանատվության ենթարկելուն: Կարծում եմ՝ գիտեմ, թե ինչպես կարգի բերել խուլիգաններին»,-իր հերթին հայտարարել է Ջո Բայդենը:
Հիշեցնենք, որ ԱՄՆ-ում նախագահական ընտրությունները տեղի են ունենալու այս տարվա նոյեմբերի 3-ին, դրանցում երկրի գործող նախագահ Դոնալդ Թրամփի մրցակիցը դեմոկրատական կուսակցության թեկնածու, երկրի նախկին փոխնախագահ Ջո Բայդենն է:










