Քաղաքացիական բնակչության շրջանում կան տասնյակ վիրավորներ, երկու զոհերը տատ ու թոռ են՝ Մարտունի քաղաքից. Վահրամ Պողոսյան

16:02 • 27.09.20

Քաղաքացիական բնակչության շրջանում կան տասնյակ վիրավորներ, երկու արդեն հաստատված զոհ՝ տատ ու թոռ՝ Մարտունի քաղաքից: Այս մասին Արցախի տեղեկատվական շտաբի հրավիրած ասուլիսում հայտարարեց Արցախի Հանրապետության նախագահի մամուլի խոսնակ Վահրամ Պողոսյանը:

«Թոռնիկը ինն տարեկան աղջնակ է եղել»,- ասաց նա:

Վահրամ Պողոսյանն ասաց, որ ակտիվ ռազմական գործողությունները, բացի սահմանային հատվածներից, հակառակորդը թիրախավորել է Արցախի խաղաղ բնակավայրերը՝ այդ թվում մայրաքաղաք Ստեփանակերտը և Շուշի քաղաքը: «Այս պահին ինտեսիվ կրակը չի դադարեցրել հակառակորդը, սակայն իրավիճակը ղարաբաղա-ադրբեջանական սահմանին վերահսկելի է»,-շեշտեց նա:

Պողոսյանը հավելեց, որ Ադրբեջանի տարածած տեղեկությունը, թե մի քանի բնակավայր են գրավել, ամբողջովին ապատեղեկատվություն է: