«Հայաստանի զինված ուժերի՝ ԼՂ տեղափոխման կարիք չկա». ՌԴ-ում ՀՀ դեսպան

13:34 • 27.09.20

Հայկական զորքերի` Լեռնային Ղարաբաղ տեղափոխման կարիք չկա, Երևանը դա չի անի: Այս մասին «Говорит Москва» ռադիոկայանի եթերում հայտարարել է ՌԴ-ում ՀՀ դեսպան Վարդան Տողանյանը, գրում է eadaily.com կայքը: 

Նա հիշեցրել է տանկերի և ուղղաթիռների կործանումների վերաբերյալ ԼՂ ներկայացրած տվյալները և նշել, որ նախաձեռնվում են բոլոր անհրաժեշտ քայլերը: 

 
«Դեռևս հստակեցվում է՝ որքանով են դրանք հզոր և որքանով են ծածկում ամբողջ շրջանագիծը: Բայց ամեն դեպքում լրացուցիչ միջոցառումների, այսինքն ՝ զորքերի տեղափոխման անհրաժեշտություն չկա»,-ասել է դեսպանը: 

Հիշեցնենք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: