«Թուրքիայի աջակցությամբ Ադրբեջանի ագրեսիան անընդունելի է»․ ԱՄՆ կոնգրեսական Լինդա Սանչեսն իր աջակցությունն է հայտնել Արցախին

10:12 • 29.09.20

ԱՄՆ հանրապետական կոնգրեսական Լինդա Սանչեսը Twitter-ում դատապարտել է Արցախի Հանրապետության նկատմամբ Ադրբեջանի սանձազերծած ագրեսիան։

«Այս հանգստյան օրերին Արցախի և Ադրբեջանի սահմանին տեղի ունեցած հարձակումներն իրավիճակի վտանգավոր և ողբերգական սրում են։ Թուրքիայի աջակցությամբ Ադրբեջանի ագրեսիան անընդունելի է։ Նման գործողությունները հակասում են Կովկասում խաղաղության և անվտանգության ապահովման համընդհանուր շահերին»,- գրել է նա։

Նա նաև ԱՄՆ պետքարտուղարությանը կոչ է արել աշխատել Մինսկի խմբի մյուս անդամների հետ՝ հակամարտությունը թուլացնելու և հետագա մարդկային կորուստները կանխելու համար։

«ԱՄՆ-ը պետք է շարունակի աշխատել մեր դաշնակիցների հետ տարածաշրջանում կայունություն ապահովելու համար»,- գրել է նա։

Հիշեցնենք, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաև խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: