Արցախի անունից դրամահավաք իրականացնելու իրավասություն ունի միայն ԱՀ ֆինանսների նախարարությունն ու «Հայաստան համահայկական հիմնադրամը»

23:17 • 29.09.20

Արցախի նախագահի աշխատակազմից հաղորդագրություն են տարածել՝ անդրադառնալով Արցախին օգնելու համար տարբեր անհատների ու կազմակերպությունների սկսած դրամահավաքների մասին։

Հաղորդագրությունը ներկայացնում ենք ստորև․

«Արցախի Հանրապետության ֆինանսների նախարարությունն ստանում է ահազանգեր առ այն, որ տարբեր անհատներ և կազմակերպություններ Արցախին օգնելու նպատակով դրամահավաքներ են կազմակերպում։ Մենք պաշտոնապես հայտարարում ենք, որ Արցախի անունից նման իրավասությամբ օժտված են բացառապես ԱՀ ֆինանսների նախարարությունը և «Հայաստան Համահայկական Հիմնադրամը»։ Արցախին օգնել ցանկացողները պետք է առաջնորդվեն բացառապես ԱՀ ֆինանսների նախարարության և «ՀՀՀ» հաղորդագրություններով և տրամադրած հաշվեհամարներով։ Մյուս բոլոր դեպքերում հորդորում ենք դրամական փոխանցումներ չկատարել»։