Վարչապետը Տիգրան Ավինյանին հետ է կանչել արձակուրդից

17:27 • 29.09.20

ՀՀ վարչապետ Նիկոլ Փաշինյանը փոխվարչապետ Տիգրան Ավինյանին արձակուրդից հետ կանչելու մասին որոշում է ստորագրել։

Որոշման մեջ, մասնավորապես, ասվում է.

«Ղեկավարվելով Հայաստանի Հանրապետության աշխատանքային օրենսգրքի 166-րդ հոդվածով՝

Հայաստանի Հանրապետության փոխվարչապետ Տիգրան Ավինյանին 2020 թվականի սեպտեմբերի 28-ից հետ կանչել ամենամյա արձակուրդի մասից»:

Նշենք, որ Տիգրան Ավինյանին արձակուրդ տրամադրելու որոշումը վարչապետը ստորագրել էր ս․թ․ սեպտեմբերի 11-ին։