Լոս Անջելեսում ամերիկահայերը բողոքի բազմահազարանոց ակցիա են կազմակերպել Ադրբեջանի հյուպատոսության դիմաց

18:59 • 01.10.20

Լոս Անջելեսում բնակվող հազարավոր հայեր հավաքվել են Ադրբեջանի հյուպատոսության դիմաց՝ իրենց բողոքը հայտնելով Արցախի հետ սահմանի ողջ երկայնքով Ադրբեջանի վերջին հարձակումների առնչությամբ:

Ինչպես հաղորդում է Asbarez գործակալությունը, բողոքի ակցիայի մանակիցները պահանջել են դատապարել Թուրքիայի հանդուգն և հանցավոր միջամտությունը ԼՂ հակամարտությանը:

Նշվում է, որ հյուպատոսության հարակից շրջանում փողոցը փակ է եղել բողոքի ակցիայի ողջ ընթացքում: Ակցիան կազմակերպվել էր Հայ երիտասարդների ֆեդերացիայի կողմից:

Ի տարբերություն հուլիսին կազմակերպված նմանատիպ միջոցառմանը՝ այս անգամ այն խաղաղ է ընթացել, քանի որ ադրբեջանցիներ չեն հայտնվել և սպանալիքներ չեն հնչեցվել հայերի հասցեին:

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Արցախի զինուժը խոցել է հակառակորդի 11 ուղղաթիռ, 4 ինքնաթիռ, 96 անօդաչու թռչող սարք, 184 միավոր զրահատեխնիկա, հիմնականում տանկեր, մեկ ինքնաթիռ, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 2 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 1280 զոհ, որից 180–ը Քարվաճառի ուղղությամբ, ավելի քան 2700 վիրավոր։ Հայկական կողմից, նախնական տվյալներով, կա 103 զոհ և մոտ 200 վիրավոր, որոնցից մոտ 120–ն են շարունակում բուժում ստանալ, մյուսներն ապաքինվել և վերադարձել են շարք։
Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Վարդենիսի շրջանում սպանվել է 1 քաղաքացիական անձ, Արցախում՝ 7 մարդ։

Հայաստանում և Արցախում սեպտեմբերի 27-ին հայտարարվել է ռազմական դրություն։