«Իսլամիստ ահաբեկիչները ԼՂ-ում կռվում են Ադրբեջանի կողմից և սպանում հայերին. միջազգային հանրությունը այլևս չի կարող դիտորդի դերում լինել». Վալերի Բուայե
Ֆրանսիայի խորհրդարանի պատգամավոր Վալերի Բուայեն ֆեյսբուքյան և թվիթերյան իր էջերում գրառում է կատարել ադրբեջանական ագրեսիայի, ինչպես նաև Թուրքիայի աջակցությամբ սիրիացի զինյալների՝ կռվին ներգրավելու վերաբերյալ:
«Քանի որ իսլամիստ ահաբեկիչները Լեռնային Ղարաբաղում կռվում են Ադրբեջանի կողմից և սպանում հայերին, միջազգային հանրությունն այլևս չի կարող դիտորդի դերում լինել»,- գրել է նա և կից ներկայացրել ֆրանսիական LA Povence ամսագրի անդրադարձը հակամարտության սրմանը:
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։
Արցախի զինուժը խոցել է հակառակորդի 11 ուղղաթիռ, 6 ինքնաթիռ (4-ը Սու–25), 103 անօդաչու թռչող սարք, 184 միավոր զրահատեխնիկա, հիմնականում տանկեր, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 2 «Սմերչ» և 1 «Ուրագան» տիպի համազարկային կրակի ռեակտիվ կայանքներ:Հակառակորդն ունի ավելի քան 1280 զոհ, որից 180–ը Քարվաճառի ուղղությամբ, ավելի քան 2700 վիրավոր։ Հայկական կողմից, նախնական տվյալներով, կա 158 զոհ և 200-ից ավելի վիրավոր։
Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում սպանվել է 2 քաղաքացիական անձ, Արցախում՝ 11 մարդ։
Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։
Հայաստանում և Արցախում սեպտեմբերի 27-ին հայտարարվել է ռազմական դրություն










