Մենք այսօր ունենք մեծածավալ ռազմական թատերաբեմ, որն ամեն րոպե պատրաստ է վերածվել ոչ միայն տարածաշրջանային, այլև ավելի մեծ հակամարտության. Աշոտ Ղուլյան (տեսանյութ)

18:13 • 03.10.20

Չի կարելի ասել, որ մենք չէինք սպասում պատերազմի, բայց պարզվում է՝ մեր հակառակորդները ոչ միայն դասեր չեն քաղել անցած պատերազմներից, այլ նաև պատրաստվել են հերթական ամենաանմարդկային գործողություններին: Այս մասին Արցախի տեղեկատվական շտաբում ասաց Արցախի Ազգային ժողովի նախագահ Աշոտ Ղուլյանը:

Նա ասաց, որ նշանները առկա են, որ երկար տարիներ Ադրբեջանը պատրաստվել է լայնամաշտաբ գործողություններին և  իր ուժերին վստահ չլինելով ահաբեկչական ուժերի, Թուրիքայից աջակցությունից է օգտվում: Ըստ նրա՝ Ադրբեջանը կամակատար է, ինչը գնալով բացահայտվելու է:

 «Մենք այսօր ունենք մի մեծածավալ ռազմական թատերաբեմ, որը ամեն րոպե պատրաստ է վերածվել ոչ միայն տարածաշրջանի, այլ ավելի մեծ հակամարտության»,-ասաց նա և նշեց, որ մենք տեսել ենք, որ մի բանի առաջ կանգ չեն առնում և վերջին ճիգերն է գործադրում Ղարաբաղյան հիմնախնդիրը իր օգտին լուծելու համար, և վստահ ենք, որ չեն հաջողի:

Նա նշեց, որ ոչ միայն համայն հայությունն է համախմբվել, այլ նաև բոլոր երկրները, որոնք լավ են պատկերացնում՝ ինչ են նշանակում տարածաշրջանային անվտանգություն և նկատեց, որ աշխարհը հոկտեմբերի մեկից հետո այլ կերպ է սկսել  նայել այս ամենին:

«Մինսկի խմբի համանախագահները, համանախագահ երկրների ղեկավարների հայտարարությունները բավարար չէ, որ ունենանք ռազմական գրոծողությունների դադարեցում, քանի որ շատ կոնկրետ քայլեր պետք է արվեն, ես չեմ կասկածում, որ դրանք արվում են, երևի ներքին խողովակներով են արվում, բայց շատ կարևոր է, որ մենք էլ դա զգանք»,-ասաց նա: