Աբխազիայի հայ համայնքը հաջակցություն Արցախի հանձնաժողով է ստեղծել

17:22 • 05.10.20

Աբխազիայի հայ համայնքն Արցախի ժողովրդին օգնություն ցուցաբերելու նպատակով հանձնաժողով է ստեղծել, գրում է eadaily.com-ը։

Աբխազիայի հայ համայնքը շարունակում է դրամահավաքը՝ հաջակցությունը Արցախի ժողովրդի։ Մարդասիրական ակցիա սկսելու մասին Սուխումում հայտարարել է Աբխազիայի հերոս, Աբխազիայի հայկական համայնքի նախագահ Գալուստ Տրապիզոնյանը։

«Մենք փորձում ենք այս բարդ իրավիճակում օգնել Արցախին»,- ասել Է Աբխազիայի հայ համայնքի խորհրդի անդամ Սուրեն Քերսելյանը:

Նա տեղեկացրել է, որ դրամահավաքի նախաձեռնությունը պատկանում է քաղաքացիներին, որոնք դիմել են համայնքի ղեկավարությանը: Այդ կապակցությամբ որոշում է կայացվել գործողությունների համակարգման կոմիտեի ստեղծման մասին։

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 4-ի դրությամբ Արցախի զինուժը խոցել է հակառակորդի՝ 14 ուղղաթիռ, 17 ինքնաթիռ, 124 անօդաչու թռչող սարք, 368 միավոր զրահատեխնիկա, հիմնականում տանկեր, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 3145 զոհ, ավելի քան 5270 վիրավոր։ Հայկական կողմից, նախնական տվյալներով, կա 209 զոհ և 200-ից ավելի վիրավոր։ Ադրբեջանի զինված ուժերը թիրախավորել է նաև

Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում սպանվել է 2 քաղաքացիական անձ, Արցախում՝ 14 մարդ։
Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։
Հայաստանում և Արցախում սեպտեմբերի 27-ին հայտարարվել է ռազմական դրություն։