Դոնի Ռոստովի պահեստներից մեկում բռնկված խոշոր հրդեհը հաջողվել է մարել

16:36 • 22.02.25

Հրշեջները մարել են Դոնի Ռոստովի պահեստներից մեկում բռնկված բաց կրակը, ինչի հետևանքով, սակայն, շինության տանիքը մասնակի փլուզվել է:

«Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն՝ մեջբերելով Ռուսաստանի Դաշնության արտակարգ իրավիճակների Ռոստովի մարզի գլխավոր տնօրինության ներկայացուցչի խոսքերը:

Նշվում է, որ հրդեհը բռնկվել է փետրվարի 22-ի առավոտյան՝ Դոնի Ռոստովի 1,5 հազար քառակուսի մետր մակերեսով թղթի թափոնների պահեստում։ 

Ավելի ուշ հրդեհի մակերեսը հասել է 1,8 հազար քառակուսի մետրի, մասնակի փլուզվել է շենքի տանիքը։ Հրդեհը տեղայնացվել է: 

«Բաց հրդեհը մարվել է տեղի ժամանակով ժամը 13:18-ին »,- ասել է վարչության ներկայացուցիչը։