Հալեպի օդանավակայանը կվերսկսի աշխատանքները

19:33 • 15.03.25

Հալեպի միջազգային օդանավակայանը մարտի 18-ին կվերսկսի իր աշխատանքը: Այս մասին հայտնել է SANA լրատվականը՝ հղում կատարելով Սիրիայի քաղաքացիական ավիացիայի վարչությանը:

«Հալեպի միջազգային օդանավակայանը կվերսկսի աշխատանքը երեքշաբթի՝ մարտի 18-ին»,- նշված է քաղավիացիայի վարչության հայտարարության մեջ: 

 

Ընդգծվում է, որ Հալեպի օդանավակայանը պատրաստ է թռիչքներ ընդունել՝ բոլոր տեխնիկական և վարչական ընթացակարգերը կատարելուց հետո։