Գնահատում ենք Ձեր ջանքերը․ Սերգեյ Լավրովը շնորհավորել է Մարգարիտա Սիմոնյանին

16:27 • 06.04.25

ՌԴ ԱԳ նախարար Սերգեյ Լավրովը ծննդյան օրվա առթիվ շնորհավորել է RT հեռուստաալիքի գլխավոր խմբագիր Մարգարիտա Սիմոնյանին: Այս մասին հայտնում է ՌԴ ԱԳՆ-ն։

«Արտաքին գործերի նախարարության աշխատակազմի և անձամբ իմ անունից ի սրտե շնորհավորում եմ Ձեզ ծննդյան օրվա առթիվ: Դուք իրավամբ դասվում եք հայրենական ամենահեղինակավոր լրագրողների շարքին։ Սիմոնյանին բնորոշ իմացությունը, պրոֆեսիոնալիզմը, գործի նկատմամբ սրտացավ մոտեցումը Ռուսաստանում և դրա սահմաններից դուրս արժանացել են բազմամիլիոնանոց լսարանի հարգանքին։ Գնահատում ենք Ձեր ջանքերը՝ ուղղված համաշխարհային տեղեկատվական տարածքում Ռուսաստանի դիրքերի ամրապնդմանը և միջազգային նշանակալի իրադարձությունների օբյեկտիվ լուսաբանմանը»,- ասված է Լավրովի շնորհավորական ուղերձում։