Ինչպես ենթադրվում էր՝ ընտրություններից հետո Հայաստան ժամանած առաջին պաշտոնյան ադրբեջանցի էր․ Իշխան Սաղաթելյան (տեսանյութ)

Ինչպես ենթադրվում էր՝ ընտրություններից հետո Հայաստան ժամանած առաջին պաշտոնյան ադրբեջանցի էր, տվյալ դեպքում Ալիևի օգնական Հիքմեթ Հաջիևը, այս մասին հայտարարել է ՀՅԴ ԳՄ անդամ Իշխան Սաղաթելյանը։

«Ընտրությունների արդյունքները պաշտոնապես դեռ չհրապարակված՝ Հայաստան է ժամանում Ալիևի օգնականը և Դիլիջանում հանդիպում Արցախում ծնված, մեծացած ԱԽ քարտուղարի հետ և պաշտոնական հայտարարություն տարածում, թե քննարկել են խաղաղության պայմանագիրը։ Հիշեցնում եմ՝ ընտրությունների արդյունքները պաշտոնապես դեռ չհրապարակված»,- ասել է Սաղաթելյանը։

Այցի հանրագումարում, ինչպես կանխատեսել է Սաղաթելյանը, Փաշինյանը կատարելու է Ադրբեջանի հերթական պահանջները, պարզապես հիմա ժամանակ է խնդրում՝ ազգային ընդդիմադիր ուժերի ներկայացուցիչներին ձերբակալելու համար, որպեսզի  իրեն չխոչընդոտեն։ 

«Նրա ամբողջ նպատակն է ձերբակալություններով, ապօրինություններով երկրում ստեղծել նոր արհեստական օրակարգ և հանրության ուշադրությունը շեղել իրական՝ բուն օրակարգերից։ Բայց դու, Նիկոլ Փաշինյան, չունես ոչ լեգիտիմություն, ոչ էլ մանդատ՝ Ալիևին տված քո խոստումները կատարելու համար։ Սա լավ իմացիր»,- դիմելով Փաշինյանին՝ ասել է Սաղաթելյանը։