Այս որոշումը համարում ենք առաջին քայլը՝ Ալիկ Ալեքսանյանի լիակատար ազատության ճանապարհին․ «Ուժեղ Հայաստան» կուսակցությունը՝ դատարանի որոշման մասին

«Ուժեղ Հայաստան» կուսակցության առաջամարտիկ Ալեքսան Ալեքսանյանի կալանավորումը դատարանը փոխարինել է 3 ամիս ժամկետով տնային կալանքով։ Այս մասին հայտարարություն է տարածել «Ուժեղ Հայաստան» կուսակցությունը։

«Որոշումը հաջորդում է ԵԽԽՎ-ի զեկույցին, որտեղ արձանագրվել են Հայաստանում ընդդիմության նկատմամբ քաղաքական ճնշումների և հետապնդումների վերաբերյալ մտահոգություններ։

«Ուժեղ Հայաստանը» այս որոշումը համարում է առաջին քայլը Ալիկ Ալեքսանյանի լիակատար ազատության ճանապարհին և պահանջում է գործի կարճում ու խափանման միջոցի ամբողջական վերացում։

Կուսակցությունը վերահաստատում է իր հետևողական պայքարը քաղաքական հետապնդումների դեմ և Հայաստանում իրավական պետության սկզբունքների վերականգնման համար»: